Íslensk netverslun er á siglingu sem aldrei fyrr og er það vel við hæfi, enda er internetnotkun hvergi útbreiddari í Evrópu en hér á landi þar sem 99% aðspurðra nota internetið. Covid-19 veirufaraldurinn hefur spilað sitt hlutverk til þess að flýta óhjákvæmilegri þróun en þó kemur á óvart að aukningin milli síðustu ára er ekki stórvægileg.
Hér verða skoðaðar niðurstöður úr rannsóknum Evrópsku Hagstofunar um netverslun og hegðun einstaklinga á internetinu á Íslandi og víðsvegar um Evrópu frá 2011 og allt til 1. júní 2021. Fókusinn verður þó helst á síðasta ár og fyrri hluta 2021. Rannsóknin beinist að aldursbilinu 16 – 74 ára.
Auk þess rýnum við nánar í íslenska netverslun sérstaklega og skoðum 44.000 pantanir frá yfir 50 íslenskum netverslunum sem farið hafa í gegnum Górillu Vöruhús frá 1. júní 2020 – til 30. maí 2021. Saman gefa þessar rannsóknir spennandi innsýn í netverslun á Íslandi, þá þróun sem er að eiga sér stað og mögulega, það sem koma skal á næstu árum.
Internetnotkun á Íslandi
- 99% íslendinga á aldursbilinu 16-74 ára nota internetið. Hlutfall íbúa sem notar internetið er hvergi hærra í Evrópu en á Íslandi (Ísland, Danmörk og Lúxemborg eru saman í fyrsta sæti með 99%). 98% íslendinga segjast nota internetið á hverjum degi (2020).
- Internetnotkun er hvergi útbreiddari í Evrópu en á Íslandi. Þetta er töluvert hærra hlutfall en á hinum norðurlöndunum sem fylgja þó nokkuð fast á eftir með 94% hlutfall.
- 94% íslendinga eru á og nota samfélagsmiðla. Við erum jafnframt evrópumeistarar á þessum mælikvarða.
- 94% íslendinga nota internetið og samfélagsmiðla til þess að finna upplýsingar um vörur og þjónustu (2020).
Netverslun á Íslandi
- 83% íslendinga, á aldrinum 16-74 ára hafa pantað sér vöru eða þjónustu á internetinu síðustu 12 mánuði.
- Af þeim hafa 62% verslað á netinu undanfarna 3 mánuði.
Íslensk netverslun
- 46% íslendinga hafa verslað við Íslenskar netverslanir á síðustu 3 mánuðum.
- 42% íslendinga hafa verslað við erlendar netverslanir á síðustu 3 mánuðum.
Það er magnað að fleiri eigi viðskipti við íslenska netverslun samanborið við erlenda. Það er frábært. Hvað má lesa úr því? Þessar niðurstöður liggja ekki fyrir í rannsókn evrópsku hagstofunnar en líklegar tilgátur geta til dæmis verið að:
- Íslendingar kjósa frekar að versla við íslensk fyrirtæki?
- Hugsanlega er þjónusta við íslendinga betri hjá íslenskum fyrirtækjum. Til dæmis fljótari vöruafhending? Minna vesen? Þægilegra?
- Hugsanlega treysta íslendingar frekar íslenskum verslunum.
Það er mjög spennandi og þessar tölur sýna að það er hægt að fá 70% neytenda til þess að vera virka í innlendri netverslun. Það má telja líklegt að þetta sé sú þróun sem við sjáum á næstu árum hér heima.
Höldum áfram …
36% íslendinga segjast hafa verslað við netverslun sem er staðsett utan Evrópu á síðustu 3 mánuðum. Þetta eru að öllum líkindum allra helst Bandarískar netverslanir með Amazon í farbroddi (auk fjölda annarra fyrirtækja) og Alibaba í Kína.
Ísland er langefst á lista yfir evrópuþjóðir sem versla við netverslanir utan Evrópu.
Tölur frá Górillu Vöruhúsi
(Tölfræði frá 43.796 pöntunum sem Górilla Vöruhús afgreiddi fyrir 50+ íslenskar netverslanir á 12 mánaða tímabili frá júní 2020 – maí 2021).
Íslendingar versla oftast á netinu á þriðjudögum og almennt meira í byrjun viku – á mánudögum, þriðjudögum og miðvikudögum (47%). Annars virðast íslendingar versla nokkuð jafnt á milli vikudaga.
Á hvaða tíma dags eru íslendingar helst að versla?
Flestir panta í kringum hádegi. Algengasti pöntunartími dagsins er milli kl. 10-11 fyrir hádegi (8.2%) og milli kl.11 og 12 (8%). Flestar pantanir í netverslun eru gerðar milli kl. 9 og 14 (37%).
60% pantana í netverslun eru gerðar á vinnutíma (kl. 08-17).
Pantanir eftir póstnúmeri / landshluta
Íbúar höfuðborgarsvæðisins eiga 63% af pöntunum hjá íslenskum netverslunum.
Hér má sjá sundurliðun á pöntum í íslenskri netverslun eftir landshluta/póstnúmerum viðskiptavina.
Viðskipti eftir tegund verslunar
32% íslendinga á aldrinum 16–74 ára hafa verslað föt á internetinu síðustu þrjá mánuði. Í þessum flokki erum við talsvert á eftir nágrannalöndum í norður Evrópu – þar sem stór vörumerki og fatakeðjur hafa komið sér vel fyrir á internetinu.
20% hafa verslað húsgögn, gjafavöru eða aðrar heimilisvörur á netinu á sama tímabili.
42% íslendinga hafa keypt matvöru eða veitingar á internetinu síðustu 3 mánuði. Áhugavert: Ísland er hér í efsta sæti allra evrópuþjóða sem er hreint ótrúlegt. Það er greinilegt að íslenskir veitingastaðir og verslanir hafa verið fljót að bregðast við heimsfaraldrinum og stokkið á þetta tækifæri og gert það vel. Þetta er mjög athyglisvert og vonandi mikill hvati fyrir aðra veitingastaði, verslanir og þjónustur sem hafa ekki enn uppfært þjónustustig sitt á vefinn eða í app.
Ísland er sömuleiðis hæst evrópulanda yfir hlutfall neytenda sem kaupa tónlist, sjónvarpsefni og aðrar streymisveitur á netinu (45%). Fast á hæla okkar fylgja hin norðurlöndin.
Samantekt
94% íslendinga á aldrinum 16-74 ára nota internetið til þess að leita upplýsinga um vörur og þjónustu og 83% versla á vef eða í appi. Fleiri eiga viðskipti við íslenskar netverslanir en erlendar. 46% versla sér vöru eða þjónustu hjá íslenskum netverslunum á hverju 3. mánaða tímabili. Í nágrannalöndum er þetta hlutfall 70% og má áætla að á næstu árum verði þróunin hér í sömu átt.
Með þessar upplýsingar sjáum við svart á hvítu hve ótrúlega mikilvægt er að fjárfesta í sterkri ímynd og viðveru á internetinu, góðum vef, stafrænum auglýsingum og ferlum fyrir vöruafhendingu – til þess að mæta óhjákvæmilegri þróun í verslun og tryggja að upplifun viðskiptavina verði jákvæð frá A-Ö.
Um Górillu Vöruhús
Górilla er miðlægt vöruhús fyrir netverslanir og heildsölur á Íslandi. Við sjáum um vöruhýsingu, afgreiðslu pantana og dreifingu um allt land – svo viðskiptavinir okkar geti einbeitt sér að því sem er mikilvægast fyrir þá – að reka frábær, arðbær fyrirtæki og veita góða þjónustu.
Markmið okkar er að gera verslunum á Íslandi kleift að bjóða vöruafhendingu á heimsmælikvarða – eldfljóta afgreiðslu og hröðustu dreifingu á Íslandi svo ánægðir viðskiptavinir haldi áfram að koma aftur og aftur.
Meira um Górilla Vöruhús á heimasíðu. Hafa samband hér.
Um gögnin
Niðurstöðurnar sem birtar eru í þessari grein eru annars vegar unnar úr rannsókn Hagstofu Evrópusambandsins á notkun heimila og einstaklinga á upplýsingatækni og neti. Um er að ræða rannsókn sem framkvæmd er í öllum löndum Evrópska hagskýrslusamstarfsins með samræmdum hætti. Hins vegar eru gögn um innlendar pantanir unnin úr gagnagrunni Górillu Vöruhús. Í menginu eru 43.796 pantanir sem Górilla Vöruhús afgreiddi fyrir 50+ íslenskar netverslanir á 12 mánaða tímabili frá júní 2020 – maí 2021).